2 րոպեի ընթերցում
ԵՐԵՎԱՆ, 23 ՆՈՅԵՄԲԵՐԻ, ԱՐՄԵՆՊՐԵՍ: ՀՀ վարչապետ Նիկոլ Փաշինյանը, անդրադառնալով Ֆրանսիայից մարդասիրական օգնություն տեղափոխող ինքնաթիռի՝ Հայաստան ժամանելուն, նշել է, որ հայ ժողովրդի բարեկամ Ֆրանսիան Հայաստանի կողքին է:
«Արմենպրես»-ի փոխանցմամբ` այս մասին Փաշինյանը գրել է «Թվիթերի» իր միկրոբլոգում:
«Ֆրանսիան` Հայաստանի և հայ ժողովրդի բարեկամը, մեր կողքին է։ Ֆրանսիայի կառավարության մարդասիրական օգնությունը տեղափոխող 1-ին ինքնաթիռը քիչ առաջ վայրէջք կատարեց Երևանում»,- գրել է Փաշինյանը:
La #France, amie de l'#Arménie et du peuple #arménien, est à nos côtés. Un 1er avion transportant l'aide humanitaire du gouvernement français vient d'atterrir à #Erevan.
— Nikol Pashinyan (@NikolPashinyan) November 22, 2020
Նոյեմբերի 22-ին Երևան է ժամանել Ֆրանսիայի նախագահի կողմից հայտարարված մարդասիրական օգնությունը տեղափոխող առաջին ինքնաթիռը։ Ֆրանսիայի ԱԳՆ-ի ճգնաժամային կենտրոնի կողմից վարձակալված ինքնաթիռը բերել է բժշկական սարքավորումներ և դեղեր Հայաստանի առողջապահական համակարգի կարողությունները ուժեղացնելու նպատակով, ինչպես նաև առաջին անհրաժեշտության պարագաներ Հայաստանում գտնվող Լեռնային Ղարաբաղի տեղահանված անձանց համար:
Մարդասիրական օգնություն տեղափոխող հաջորդ ինքնաթիռը Ֆրանսիայից Հայաստան կժամանի նոյեմբերի 27-ին։