Պարգևավճարները ճիշտ են գնահատված յուրաքանչյուր աշխատակցի կատարած աշխատանքով. ՊԵԿ նախագահ
1 րոպեի ընթերցում
ԵՐԵՎԱՆ, 24 ՍԵՊՏԵՄԲԵՐԻ, ԱՐՄԵՆՊՐԵՍ: Պետական եկամուտների կոմիտեի նախագահ Էդվարդ Հովհաննիսյանը, անդրադառնալով համակարգի աշխատակիցների պարգևավճարներին, նշեց, որ այդ մասին շատ է խոսվել ու դրան անդրադառանալու կարիք և անհրաժեշտություն այլեւս չի տեսնում:
Կառավարության նիստից հետո լրագրողները ՊԵԿ նախագահի հետ զրույցում նկատեցին, որ ՊԵԿ պարգեւավճարները կազմել են 5 մլրդ դրամ, ինչն ավելի շատ է, քան Գյումրի քաղաքի բյուջեն:
Արձագանքելով՝ Հովհաննսիայնն ընդգծեց. «Ամենևին համեմատելի չեն այդ երկու հարթությունները, և ես առաջարկում եմ պարգևավճարների հարցին այդ կտրվածքով ու այդ համեմատությամբ չմոտենալ: ՊԵԿ-ի պարգևավճարները շատ համահունչ են, շատ ճիշտ են գնահատված յուրաքանչյուր աշխատակցի կատարած աշխատանքով»,- «Արմենպրես»-ի փոխանցմամբ, ասաց նա: