1 րոպեի ընթերցում
ԵՐԵՎԱՆ, 13 ԱՊՐԻԼԻ, ԱՐՄԵՆՊՐԵՍ: Իրանում ապրիլի 13-ի վիճակագրական տվյալների համաձայն նախորդ օրվա համեմատ կորոնավիրուսի վարակակիրների թիվն ավելացել է 1.617-ով՝ դառնալով 73 հազար 303:
«Արմենպրես»-ի հաղորդմամբ, այս մասին տեղեկացնում է Իրանում Հայաստանի դեսպանությունը:
Նշվում է, որ մահացածների թիվն ավելացել է 111-ով՝ ընդհանուրը կազմելով 4 հազար 585: Ծանր վիճակում է գտնվում 3 հազար 877 անձ: Ապաքինվածների թիվն ավելացել է 2 հազար 89-ով: Երկրում ընդհանուրն ապաքինվել է 45 հազար 983 մարդ:
Մինչ այժմ թեստավորվել է 275 հազար 427 անձ:
Նոր կորոնավիրուսի առաջացրած հիվանդության բռնկումը 2019-ի վերջinգրանցվել է Կենտրոնական Չինաստանում, այնուհետև տարածվել200-ից ավելի երկրում և մարտի 11-ին Առողջապահության համաշխարհային կազմակերպության կողմից ճանաչվել համավարակ(պանդեմիա)։