1 րոպեի ընթերցում
ԵՐԵՎԱՆ, 5 ՓԵՏՐՎԱՐԻ, ԱՐՄԵՆՊՐԵՍ: Թուրքիայի արեւելքի Վանի նահանգում առնվազն ութ մարդ Է զոհվել ձնահյուսի հետեւանքով, ընթանում են փրկարարական աշխատանքներ: Այդ մասին հայտնել Է Թուրքիայի ներքին գործերի նախարար Սուլեյման Սոյլուն, տեղեկացնում Է «Արմենպրես»-ը:
Փետրվարի 4-ին Վանի նահանգապետ Մեհմեթ Էմին Բիլմեզը հայտնել Է, որ Բախչեսարայի շրջանում զոհվել Է միկրոավտոբուսի առնազն չորս ուղեւոր, եւս հինգը վիրավորվել են ձնահյուսի հետեւանքով: Փետրվարի 5-ին տեղի իշխանությունները հայտնել են, որ նոր ձնահյուսը ծածկել Է հինգ ավտոմոբիլ, որոնցում եղել Է փրկարարական ծառայությունների ավելի քան 50 աշխատակից:
«Փրկարարները ձյան տակից հանել են 11 զոհվածների, այդ թվում՝ ժանդարմերիայի ութ աշխատակիցների, եւ 30-ից ավելի ողջ մնացածների»,- ասել Է Սոյլուն լրագրողներին, հաղորդել Է ՌԻԱ Նովոստին: