Ռադիոհաճախականությունների օգտագործման մրցույթի արդյունքում բյուջե է վճարվել 2.5 մլրդ դրամ
1 րոպեի ընթերցում
ԵՐԵՎԱՆ, 25 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանում ռադիոհաճախականությունների օգտագործման թույլտվության տրամադրելու համար մրցույթների արդյունքում 2019-ին պետբյուջե է վճարվել միանվագ 2.5 մլրդ դրամ:
«Արմենպրես»-ի հաղորդմամբ՝ այս մասին հրավիրված ասուլիսում հայտնեց Հանրային ծառայությունները կարգավորող հանձնաժողովի նախագահ Գարեգին Բաղրամյանը:
«Հեռահաղորդակցության ոլորտում տեղի են ունեցել ռադիոհաճախականությունների մրցույթներ, 2019-ին հանձնաժողովի կողմից կազմակերպված մրցույթների արդյունքում պետական բյուջե է վճարվել միանվագ տեսքով 2.5 մլրդ դրամ»,-ասաց Բաղրամյանը:
Մրցույթի արդյունքում տարեկան բյուջե կփոխանցվի նաև լրացուցիչ 840 մլն դրամ: Բաղրամյանը նկատեց՝ ռադիոհաճախականությունների օգտագործման վճարների մասով պետական բյուջեի մուտքերը կհասնեն շուրջ 7-8 մլրդ դրամի: