Ռոնալդուի հեթ-տրիկը «Յուվենտուս»-ին դուրս է բերել ՉԼ հաջորդ փուլ. «Մանչեսթեր Սիթի»-ն ևս շարունակում է պայքարը
07:21, 13 Մարտ 2019
ԵՐԵՎԱՆ, 13 ՄԱՐՏԻ, ԱՐՄԵՆՊՐԵՍ: Ֆուտբոլի Չեմպիոնների լիգայում կայացան 1/8 եզրափակիչի երկու պատասխան հանդիպումներ:
«Արմենպրես»-ի հաղորդմամբ՝ Թուրինի «Յուվենտուս»-ը սեփական հարկի տակ հյուրընկալեց Մադրիդի «Ատլետիկո»-ին, որին առաջին խաղում պարտվել էր 0:2 հաշվով: Կրիշտիանու Ռոնալդուի հեթ-տրիկն օգնեց «Ծեր սինյորա»-ին դուրս գալ հաջորդ փուլ՝ երկու խաղերի ընդհանուր 3:2 հաշվով հաղթելով «Ատլետիկո»-ին:
«Մանչեսթեր Սիթի»-«Շալկե» պատասխան խաղում «քաղաքայինները» 7 անպատասխան գնդակ ուղակեցին գերմանական թիմի դարպասը: Անգլիական ակումբի կազմում աչքի ընկան Սերխիո Ագուերոն, Լերոյ Սանեն, Ռահիմ Ստերլինգը, Բեռնարդու Սիլվան, Ֆիլիպ Ֆոդենը, Գաբրիել Ժեզուսը:
Բաժանորդագրվեք մեր ալիքին Telegram-ում