Ժամանակը Երևանում՝ 11:07:36,   11 Օգոստոս 2022

«Մունդիալ-1962». Չիլիական աշխարհի առաջնությունը, որը հաջող էր Բրազիլիայի համար

«Մունդիալ-1962». Չիլիական աշխարհի առաջնությունը, որը հաջող էր Բրազիլիայի համար

ԵՐԵՎԱՆ, 23 ՄԱՅԻՍԻ, ԱՐՄԵՆՊՐԵՍ: Աշխարհի առաջնության մեկնարկից առաջ «Արմենպրես»-ը ձեզ է ներկայացնում աշխարհի առաջնության պատմական ակնկարկը, հիշեցնում չմոռացվող հերոսների մասին, պատմում նրանց մասին, ովքեր ֆուտբոլը դարձրել են այնպիսին, ինչպիսին մենք գիտենք այն այսօր:

Մունդիալի պաստառը

Պատմական ակնարկ…

Ֆուտբոլի աշխարհի այս առաջնությունը կրկին անցկացվեց Հարավային Ամերիկա մայրցամաքում: Չիլին ընդունեց հերթական Մունդիալը: Ֆուտբոլային «տոնը» ձգվեց 19 օր: 4 քաղաքների` Սանտյագո, Վինյա դել Մար, Ռանկագուա, Արիկա, 4 մարզադաշտերում Մունդիալին հետևեցին 893,172 հանդիսական: Այս առաջնությանը միաժամանակ 6 ֆուտբոլիստները դարձան լավագույն ռմբարկուներ: Բրազիլացիներ Վավան, Գարինչան, Չիլից Լեոնել Սանչեսը, Խորհրդային միության ներկայացուցիչ Վալենտին Իվանովը, հունգար Ֆլորիան Ալբերտը և Հարավսլավիայի Սոցիալիստական Ֆեդերատիվ Հանրապետություն ներկայացուցիչ Դրաժան Երկովիչը խփեցին 4-ական գնդակ: Այս առաջնությունում խփվեցին պատմության ընթացքում ամենքիչ գոլերը` միջին հաշվով յուրաքանչյուր հանդիպմանը գրանցվել է 2.78 գոլ:

Աշխարհի առաջնության գնդակը

Այս առաջնությունում իրենց նորամուտն էին նշում Կոլումբիայի և Բուլղարիայի հավաքականները: Շվեդիայի և Ֆրանսիայի հավաքականները չկարողացան որակավորվել, իսկ Ավստրիան հեռացավ առաջնությունից։ 7-րդ Մունդիալում երրորդ տեղը զբաղեցրեց Չիլին, իսկ 4-րդը` Հարավսլավիայի Սոցիալիստական Ֆեդերատիվ Հանրապետությունն էր:

Եզրափակիչ…

Մունդիալի եզրափակիչը կայացավ Չիլիի մայրաքաղաք Սանտիագոյի «Ազգային» մարզադաշտում: Չեմպիոնի կոչման համար մրցում էին առաջնության ֆավորիտ թիմերը` Բրազիլիայի և Չեխոսլովակիայի ընտրանիները: Այդ ժամանակ աշխարհի գործող չեմպիոնները Ամարիլդոյի, Զիտոյի և Վավայի գոլերի շնորհիվ հաղթեցին մրցակցին 3:1 հաշվով: Բրազիլիան դարձավ երկրորդ երկիրը ֆուտբոլի պատմության մեջ, որ կարողացավ անընդմեջ պահպանել չեմպիոնի տիտղոսը: Առաջին Իտալիայի հավաքականն էր:

 

Փաստեր…

1960 թվականին Չիլիում մեծ երկրաշարժ տեղի ունեցավ, ինչի պատճառով ԱԱ-ն ուզում էին տեղափոխել այլ երկիր: Սակայն որոշիչ եղան Չիլիի նախագահ Դիտբորնի հետևյալ խոսքերը. «Թողեք աշխարհի առաջնությունը մեզ, առանց այդ էլ մեզ բան չի մնացել»:

Մարզադաշտերից մեկն ի պատիվ նախագահի կոչեցին նրա անունով:

 1962 թվականի առաջնությունն առաջինն էր, որը նույն միավորներն ունեցող թիմերին առանձնացնելու համար օգտագործել է գոլային միջինը։

Սա միակ աշխարհի առաջնությունն է, որտեղ լավագույն ռմբարկուները 6 են:

Մունդիալիների պատմության մեջ 3-րդ անգամ չխաղարկվեց լրացուցիչ ժամանակ:

Առաջին աշխարհի առաջնությունն էր, որն ունեցավ պաշտոնակ երգ:

 

Կազմեց` Վարվառա Հայրապետյանը

 «Մունդիալ-1930»

«Մունդիալ-1934»

«Մունդիալ-1938»

«Մունդիալ-1950»

«Մունդիալ-1954»

«Մունդիալ-1958»




Այս թեմայով





youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]