Ժամանակը Երևանում՝ 11:07:36,   11 Օգոստոս 2022

«Մունդիալ-1954». «Բեռնի հրաշքը» կամ ինչպես լավագույն թիմը չդարձավ աշխարհի չեմպիոն

«Մունդիալ-1954». «Բեռնի հրաշքը» կամ ինչպես լավագույն թիմը չդարձավ աշխարհի չեմպիոն

ԵՐԵՎԱՆ, 21 ՄԱՅԻՍԻ, ԱՐՄԵՆՊՐԵՍ: Աշխարհի առաջնության մեկնարկից առաջ «Արմենպրես»-ը ձեզ է ներկայացնում աշխարհի առաջնության պատմական ակնկարկը, հիշեցնում չմոռացվող հերոսների մասին, պատմում նրանց մասին, ովքեր ֆուտբոլը դարձրել են այնպիսին, ինչպիսին մենք գիտենք այն այսօր:  

Աշխարհի առաջնության պաստառը

Շվեյցարիան` 5-րդ Մունդիալի հյուրընկալող

Հերթական Մունդիալը` թվով 5-րդը, անցկացվեց Շվեյցարիայի 6 քաղաքներում` Բազել, Բեռն, Ժնև, Լոզան, Լուգանո և Ցյուրիխ: Ամենաշատ խաղերը անցկացվեցին Բազելի «Սուրբ Յակոբ» մարզադաշտում` վեց հանդիպում: Ցյուրիխի և Լոզանի մարզադաշտերում անցկացվեցին 5-ական հանդիպում, Ժնևում` 4 և Լուգանոյում` 1: Աշխարհի առաջնությունը ձգվեց 19 օր, որին մասնակցեցին 16 հավաքականներ:

Մունդիալի գնդակը

Հենց 1954 թվականից սկսած առաջին անգամ խաղերը ցուցադրվեցին հեռուստատեսությամբ և թողարկվեցին հատուկ մետաղադրամներ: Մունդիալ-1954-ի լավագույն խմբարկու ճանաչվեց հունգար հարձակվող Շանդոր Կոչիշը, ով հեղինակեց 11 գնդակ: Կոչիշն իր խփած 11 գոլերով գերազանցեց նախորդ առաջնությունում Ադեմիրի ռեկորդը` երկու գոլով: 26 խաղերի ընթացքում հանդիպումներին հետևեցին 768,607 ֆուտբոլասեր:

 

Եզրափակիչը…

Աշխարհի առաջնության եզրափակչում մրցեցին Գերմանիայի Ֆեդերատիվ Հանրապետության և Հունգարիայի ընտրանինները: Այն կայացավ Բեռն քաղաքի «Վանկդորֆ» մարզադաշտում, որին ներկա էին 62.500 ֆուտբոլասեր: Մունդիալ-1954-ի եզրափակիչը մարզասերների շրջանում հայտնի է նաև «Բեռնի հրաշքը» անունով: Հունգարները նախ հանդիպման 6-րդ, ապա 8-րդ րոպեիին գրավեցին Գերմանիայի հավաքականի դարպասը, սակայն բաց թողնեցին 10-րդ և 18-րդ րոպեներին:

Միայն հանդիպման 84-րդ րոպեին Գերմանիայի Ֆեդերատիվ Հանրապետություն ֆուտբոլիստներից Հելմունդ Ռահը խփեց գերմանական ֆուտբոլի պատմության մեջ գուցե և ամենակարևոր գոլերից մեկը (3:2): Գերմանիայի Ֆեդերատիվ Հանրապետությունը պատմության մեջ առաջին անգամ դարձավ աշխարհի չեմպիոն: Այս խաղում Գերմանիայի հավաքականը ռևանշի հասավ Հունգարիայի հավաքականից՝ խմբային փուլում կրած պարտությունից հետո։

 

Փաստեր…

Ֆուտբոլի այս առաջնության ընթացքում խփվեցին ռեկորդային 140 գոլեր: Այս ռեկորդը չի գերազանցվել մինչ օրս:

Առաջնության խաղերից Ավստրիայի և Շվեյցարիայի դիմակայության ժամանակ խփվեց ընդհանուր առմամբ 12 գոլ (Ավստրիա-7, Շվեյցարիա-5):

Ոչ ֆուտբոլային հաշիվ գրանցվեց Հունգարիա-Կորեա խաղում, որտեղ հունգարները հաղթեցին 9:0 հաշվով:

Այս առաջնությունում բոլոր ցուցանիշներով լավագույն արդյունք գրանցեց Հունգարիայի ընտրանին, սակայն չեմպիոն դարձավ Գերմանիան:

Առաջնությունից հետո ՖԻՖԱ-ն հատուկ հուշագիր հրապարակեց. «Գերմանիայի հավաքականի ֆուտբոլիստները հաղթեցին արժանիորեն, սակայն լավագույն թիմ է ճանաչվում Հունգարիան»:

 

Կազմեց` Վարվառա Հայրապետյանը

 «Մունդիալ-1930»

«Մունդիալ-1934»

«Մունդիալ-1938»

«Մունդիալ-1950»




Այս թեմայով





youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]