Սակայն կինոնկարը, ցածր վարկանիշեր ստանալով կինոգետների առաջատար պորտալների եւ հրատարակությունների մեծամասնությունից, այս ցուցանիշով հետ Է մնացել ֆրանշիզայի իր բոլոր չորս նախորդ ֆիլմերից: Միաժամանակ կինոնկարի ստեղծողների կանխատեսումն արդարացել Է նաեւ Չինաստանի շուկայում: Ցուցադրության երեք օրվա ընթացքում «Տրանսֆորմերները» ֆրանշիզայի հինգերորդ ժապավենը չինական վարձույթում բերել Է 123,4 մլն դոլար:

Դրանով իսկ ընթացիկ տարում ֆիլմը կրկնում Է «Կարիբյան ծովի ծովահենները. Մեռյալները հեքիաթներ չեն պատմում» կինոնկարի (2017 թ.) առեւտրային հաջողությունը, որը նույնպես ԱՄՆ-ի վարձույթում հանդիսականների բավականին ցածր հետաքրքրություն արձանագրեց, սակայն մեծ ժողովրդականություն վայելեց արտասահմանյան շուկաներում, առաջին հերթին՝ ասիական:

«Տրանսֆորմերներ: Վերջին ասպետը» կինոնկարը հունիսի 23-ին ցուցադրվել Է 41 երկրներում: Ընդ որում ժապավենն առաջին տեղն Է զբաղեցրել 40 երկրների վարձույթում: Չինաստանից հետո դրամարկղային մուտքերով երկրորդ հորիզոնականում Հարավային Կորեան Է՝ 12 մլն դոլարով: Եռյակը 8,9 միլիոնով եզրափակում Է Ռուսաստանը: Նրան հաջորդում են Մեծ Բրիտանիան (5,7 մլն դոլար) եւ Գերմանիան (4,7 մլն դոլար):

Ընդամենը «Տրանսֆորմերներ: Վերջին ասպետը» կինոնկարը ԱՄՆ-ի սահմաններից դուրս տոմսերի վաճառքից վաստակել Է 196,2 մլն դոլար: Այսպիսով, ժապավենն իր պրեմիերային շաբաթվա ընթացքում տոմսերի վաճառքից ստացել Է 265,3 մլն դոլար ընդհանուր գումար՝ 217 մլն արտադրական ծախսերի դեպքում, հաղորդել Է ՏԱՍՍ-ը: