Վարչապետի հանձնարարականներով ընդունվել են բիզնեսի համար բարենպաստ պայմանների ստեղծման որոշումներ
ԵՐԵՎԱՆ, 19 ՀՈՒՆՎԱՐԻ, ԱՐՄԵՆՊՐԵՍ: ՀՀ վարչապետ Կարեն Կարապետյանի հանձնարարականների հիման վրա 2016 թվականի սեպտեմբերից մինչ այժմ ընդունվել են բիզնեսի համար նպաստավոր պայմանների ստեղծման մի շարք որոշումներ: Այդ մասին գործադիրի նիստում ներկայացնելով վարչապետի հանձնարարականների կատարման հաշվետվությունը` նշեց կառավարության աշխատակազմի ղեկավար-նախարար Դավիթ Հարությունյանը:
«Կառավարության կողմից ընդունվել են բազմաթիվ որոշումներ՝ սկսած էլեկտրոնային եղանակով լիցենզիաների տրամադրման որոշումներից վերջացրած գյուղոլորտում ջերմոցային տնտեսությունների և վերամշակող կազմակերպությունների կողմից սպառվող գազի սակագնի մեղմացման միջոցառումները»,- «Արմենպրես»-ի փոխանցմամբ, ասաց նախարարը:
Դավիթ Հարությունյանն առանձնահատուկ նշեց մեկ որոշում, որով ձևավորվել է բանակցային խումբ, որի նպատակն է Իրանի Իսլամական Հանրապետություն հայկական ապրանքների, հատկապես սննդամթերքի և գյուղմթերքի արտահանման համար նպաստավոր պայմաններ ստեղծելը:
Բաժանորդագրվեք մեր ալիքին Telegram-ում