Երեւանում կանցկացվի ուշուի փառատոն
ԵՐԵՎԱՆ, 21 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի անկախության 21-րդ տարեդարձին եւ ՀՀ ավանդական ուշուի ֆեդերացիայի 20-ամյակին նվիրված Երեւանի «Միկա» մարզահամալիրում սեպտեմբերի 29-ին կանցկացվի ուշուի փառատոն: Ինչպես «Արմենպրես»-ին տեղեկացրեց ՀՀ ավանդական ուշուի ֆեդերացիայի նախագահ, միջազգային կարգի մրցավար Տիգրան Չոբանյանը, միջոցառմանը կմասնակցեն նաեւ կարատե, այկիդո եւ այլ մարզաձեւերի ներկայացուցիչներ:
Չոբանյանի խոսքով, Հայաստանի ուշուիստներն անցած 20-տարիների ընթացքում կարողացել են իրենց ուրույն տեղը գտնել այդ մրցաձեւում եւ ներկայում տեղ են զբաղեցնում աշխարհի լավագույն հնգյակում:
Հայաստանի ավանդական ուշուի ֆեդերացիան առաջինն Էր Հայաստանում, որը տասը տարի առաջ Երեւանում անցկացրեց ուշուի աշխարհի 6-րդ առաջնությունը:
Բաժանորդագրվեք մեր ալիքին Telegram-ում