Ժամանակը Երևանում՝ 11:07:36,   15 Օգոստոս

Էմիրությունները գործարկել է արաբական աշխարհում առաջին ատոմակայանը

Էմիրությունները գործարկել է արաբական աշխարհում առաջին ատոմակայանը

ԵՐԵՎԱՆ, 1 ՕԳՈՍՏՈՍԻ, ԱՐՄԵՆՊՐԵՍ: Արաբական Միացյալ Էմիրությունների վարչապետ և Դուբայի կառավարիչ Մուհամմադ բին Ռաշիդ Ալ Մաքթումը հայտարարել է արաբական աշխարհում առաջին ատոմակայանի՝ «Բարաքա»-ի գործարկման մասին: «Արմենպրես»-ի հաղորդմամբ՝ այս մասին տեղեկացնում է «ՌԻԱ Նովոստի»-ն:

«Այսօր մենք հրապարակայնորեն հայտարարում ենք ԱՄԷ-ի՝ արաբական աշխարհում առաջին խաղաղ միջուկային ռեակտորը հաջողությամբ գործարկելու մասին՝ Աբու Դաբիի «Բարաքա»-ում: Մասնագետներին հաջողվել է բեռնել միջուկային վառելիքը, իրականացնել համապարփակ փորձարկումներ և հաջողությամբ ավարտել գործարկման գործողությունները»,-վարչապետը գրել է «Թվիթեր»-ի իր էջում:

Նա նշել է, որ ԱՄԷ-ն մտադիր է գործարկել չորս ատոմակայան, որոնք կապահովեն պետության էլեկտրաէներգիայի կարիքների քառորդ մասը՝ անվտանգ, հուսալի և էկոլոգիապես մաքուր եղանակով: 

«Բարաքա» ատոմակայանը բաղկացած կլինի չորս էներգաբլոկներից՝ ընդհանուր  5,6 մեգավատ հզորությամբ:





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ