ირანის საგარეო საქმეთა სამინისტრომ აშშ ჰორმუზის სრუტის ირგვლივ ვითარების დესტაბილიზაციაში დაადანაშაულა

ირანის საგარეო საქმეთა სამინისტროს სპიკერმა ესმაილ ბაღაიმ შეერთებული შტატები ჰორმუზის სრუტის ირგვლივ შექმნილ ვითარებასა და მთელ მსოფლიოში მის შედეგებზე პასუხისმგებლობაში დაადანაშაულა.

„არმენპრესის“ ცნობით, სოციალურ პლატფორმა X-ზე გამოქვეყნებულ პოსტში ბაღაიმ კერძოდ აღნიშნა:

„ჰორმუზის სრუტე 28 თებერვლამდე სრულად ღია იყო, ვიდრე აშშ ისრალთან ერთად ირანს დაესხმებოდა თავს. ვაშინგტონმა რეგიონში უკანონო და სასტიკი ომი წამოიწყო, რის შედეგადაც სავაჭრო ნაოსნობის ნორმალური მსვლელობა დაირღვა: ტანკერები გაჩერებულია, ვაჭრობა შეფერხებულია, ხოლო ენერგორესურსების ფასები იზრდება.

აშშ ახლა ცდილობს მსოფლიოს წარუდგინოს მის მიერვე შექმნილი ვითარების „ანგარიში“ და ამაზე პასუხისმგებლობა ირანს დააკისროს. ვაშინგტონის ინტერპრეტაციით, აშშ-ის მიერ დაწყებული ომი რაღაცნაირად უნდა გასაღდეს როგორც ირანის ქცევის შედეგად მსოფლიოსთვის მიყენებული დანახარჯი.

ამერიკამ დაიწყო ომი, მაგრამ ელის, რომ მთელი მსოფლიო გადაიხდის ამის ანგარიშს პარალელურად კი ირანს წარმოაჩენს ამ ქაოსის მიზეზად. ეს აბსოლიტური აბსურდია“, - დაწერა ბაღაიმ.

The Strait of #Hormuz was wide open until 28 February, when the #USrael attacked Iran. Washington unleashed an unlawful and savage war on the region and disrupted the normal flow of commercial shipping; tankers are halted, trade is disrupted, and energy prices are rising.

The US… pic.twitter.com/ll5oHCQoEv

— Esmaeil Baqaei (@IRIMFA_SPOX) September 6, 2026