ფაშინიანმა და პეზეშქიანმა რეგიონში მშვიდობისა და სტაბილურობის უზრუნველყოფის მნიშვნელობას გაუსვეს ხაზი

გაეროს გენერალური ასამბლეის ფარგლებში სომხეთის რესპუბლიკის პრემიერ-მინისტრ ნიკოლ ფაშინიანისა და ირანის პრეზიდენტ მასუდ პეზეშქიანის შეხვედრა გაიმართა.

როგორც „არმენპრესს“ სომხეთის რესპუბლიკის პრემიერ-მინისტრის აპარატის ინფორმაციისა და საზოგადოებასთან ურთიერთობის სამმართველოდან აცნობეს, ნიკოლ ფაშინიანმა კმაყოფილებით აღნიშნა, რომ სომხეთ-ირანის თანამშრომლობა წარმატებით ვითარდება და ერთობლივი პროექტები ხორციელდება სხვადასხვა სფეროში.

ნიკოლ ფაშინიანი და მასუდ პეზეშქიანი ორმხრივ სავაჭრო-ეკონომიკურ ურთიერთობებსა და მათ გაფართოებაზე მიმართულ ნაბიჯებს შეეხნენ.

მხარეებმა ხაზი გაუსვეს რეგიონში მშვიდობისა და სტაბილურობის უზრუნველყოფის მნიშვნელობას. ყურადღება გამახვილდა ასევე ორმხრივი ინტერესის შემცველ სხვა საკითხებზე.