1 წუთი კითხვის
სომხეთის რესპუბლიკის ეროვნული ასამბლეის თავმჯდომარე ალენ სიმონიანი აცხადებს, რომ ქვეყნის პოლიტიკურ სივრცეში რეალური ოპოზიციური დისკუსია არ არსებობს.
„არმენპრესის“ ინფორმაციით, სიმონიანმა ეს აზრი გამოთქვა პარლამენტში ჟურნალისტებთან საუბრისას.
„რა არის ოპოზიციური სიტყვა: თურქი? მოღალატე? მიწის გამყიდველი? სომხეთის რესპუბლიკაში პოლიტიკური ოპონენტობა არ არსებობს, პოლიტიკური ოპონენტები არ არიან. არსებობენ ადამიანები, რომლებიც მხოლოდ შეურაცხმყოფელ განცხადებებს აკეთებენ და არაფერს სთავაზობენ. ბოლო პერიოდში რა ინიციატივები წამოაყენეს, რომლებსაც პოლიტიკური მნიშვნელობა აქვს, მშვიდობასთან ან სახელმწიფოს მომავალთან დაკავშირებით, გარდა იმისა, რომ სომხეთი უნდა შეუერთდეს რუსეთსა და ბელარუსს?“, - განაცხადა სიმონიანმა.
ოპოზიციური ფიგურების დაკავებებზე საუბრისას, სიმონიანის თქმით, ხელისუფლება ამ საკითხში დააგვიანა.
„ის ადამიანები, რომლებიც დანაშაულს სჩადიან და შემდეგ იყრიან კენჭს, არ უნდა დაისაჯონ? „რკინის მანდატი“ იწყებს მოქმედებას, „ჩაქუჩი“ უკვე მუშაობს და თანმიმდევრობით დაეცემა სხვადასხვა კრიმინალურ ელემენტზე“, - აღნიშნა ალენ სიმონიანმა.