1 წუთი კითხვის
აშშ-ის სახელმწიფო მდივანი მარკო რუბიო ყატარში ჩავიდა. როგორც „არმენპრესი“ იტყობინება, ამის შესახებ წერს „Al Khaleej“-ის გამოცემა.
აშშ-ის სახელმწიფო მდივნის ვიზიტის მიზანია მოუწოდოს ყატარს, გააგრძელოს თავისი შუამავლური როლი ღაზაში ცეცხლის შეწყვეტის მიღწევის საკითხში.
ვიზიტის ფარგლებში რუბიო შეხვედრას გამართავს ყატარის ემირ შეიხ თამიმ ბინ ჰამად ალ-თანისთან.
რუბიოს ვიზიტი ხდება ერთი კვირის შემდეგ, რაც ისრაელმა დაარტყა ყატარს, პალესტინური „ჰამასის“ დაჯგუფების ლიდერების მიზანში აყვანით.
დოჰაში გამგზავრებამდე რუბიომ აღნიშნა, რომ ყატარი რჩება ერთადერთ ქვეყანად, რომელიც შეძლებს ხელი შეუწყოს ღაზის სექტორში ომის დასრულებას.
თელ-ავივიდან დოჰაში გამგზავრებისას რუბიომ თვითმფრინავში ჟურნალისტებთან საუბრისას თქვა, რომ სთხოვს ყატარს გააგრძელოს ის, რასაც ისინი აკეთებენ.
„ჩვენ დიდად ვაფასებთ მათ კონსტრუქციულ როლს ამ ომის დასრულების საქმეში“, – აღნიშნა სახელმწიფო მდივანმა.
მანამდე რუბიო ორდღიანი ოფიციალური ვიზიტით ისრაელში იმყოფებოდა, სადაც ისრაელის პრემიერ-მინისტრ ბენიამინ ნეთანიაჰუს შეხვდა.