1 წუთი კითხვის
ატომური ენერგიის საერთაშორისო სააგენტოს (IAEA) ხელმძღვანელმა რაფაელ გროსიმ ჟურნალისტებს განუცხადა, რომ ამ კვირაში მოსკოვს ეწვევა. ამის შესახებ „არმენპრესი“ „რია ნოვოსტის“ ინფორმაციაზე დაყრდნობით იუწყება.
„დიახ, მე ამ კვირაში მოსკოვში ვიქნები“, – განაცხადა მან კიევში გამართულ პრესკონფერენციაზე. მედიასთან მისი გამოსვლის ვიდეოჩანაწერი IAEA-ს პრესსამსახურმა გაავრცელა.
მანამდე ცნობილი გახდა, რომ გროსი სამშაბათს კიევში ჩავიდა მაღალი დონის შეხვედრებისთვის, რათა განეხილა სააგენტოს ძალისხმევა კონფლიქტის დროს ბირთვული კატასტროფის თავიდან ასაცილებლად. მოსკოვში კი განხილვის მთავარი თემა ზაპოროჟიეს ატომური ელექტროსადგურის (IAEA) მდგომარეობა იქნება.