Մեկնարկում է հանրապետության ֆուտբոլի առաջնությունը 

ԵՐԵՎԱՆ, 2 ՕԳՈՍՏՈՍԻ, ԱՐՄԵՆՊՐԵՍ: Մեկնարկում է Հայաստանի ֆուտբոլի բարձրագույն խմբի 2019/20 մրցաշրջանը:

«Արմենպրես»-ի հաղորդմամբ` օգոստոսի 2-ին կկայանա երկու հանդիպում` Գյումրու «Շիրակ»-ը կընդունի «Ուրարտու»-ին (նախկին «Բանանց») ժամը 17:00-ին, իսկ «Արարատ»-ը «Հանրապետական» մարզադաշտում կմրցի բարձրագույն խմբի նորեկի` «Երևան»-ի հետ` ժամը 19:30-ին:

Օգոստոսի 3-ին «Գանձասար-Կապան»-ը կմրցի «Նոա» (նախկին «Արցախ») ակումբի հետ ժամը 19:00-ին: Օգոստոսի 4-ին «Փյունիկ»-ը կմրցի «Լոռի»-ի հետ:

«Ալաշկերտ»-«Արարատ-Արմենիա» խաղը հետաձգվել է: