1 րոպեի ընթերցում
ԵՐԵՎԱՆ, 26 ՀՈՒԼԻՍԻ, ԱՐՄԵՆՊՐԵՍ: «Սքայ ակումբ»-ի հիմնադիր, Հայաստանի պարապլաներիզմի ֆեդերացիայինախագահԱրմեն Սարգսյանը եռագույն պարապլանով առաջին թռիչքն է իրականացրել Սևանա լճի վրայով: Այս մասին «Արմենպրես»-ի հետ զրույցում պատմեց Արմեն Սարգսյանը։
«Մենք զբաղվում ենք զբոսաշրջային թռիչքներով, և մարդկանց, ովքեր ցանկանում են պարապլանով թռչել, սակայն երբևիցե չեն սովորել, մենք հնարավորություն են տալիս հրահանգչի օգնությամբ իրենց երազանքը իրականացնել: Իսկ այսօրվանից սկսելու ենք նաև եռագույն պարապլանով թռիչքներ իրականացնել»,- ասաց Սարգսյանը:
Նրա խոսքով՝ պարապլանները բավական թանկարժեք են, ուստի, տարբեր ընկերությունների էին դիմել, որպեսզի ավելի մատչելի գնով կարողանան պատվիրել եռագույն պարապլանը:
«Արտադրողներից մեկին շատ էր դուր եկել եռագույնը, և նա ցանկություն էր հայտնել այդ գույնը ունենալ: Եվ արդեն այդ ընկերությունը ունենալու է նաև այդ գույների պարապլան: Չի բացառվում, որ ևս մեկը հետագայում ձեռք բերենք»,- եզրափակեց Սարգսյանը: