1 րոպեի ընթերցում
ԵՐԵՎԱՆ, 5 ՀՈւՆԻՍԻ, ԱՐՄԵՆՊՐԵՍ: Թեհրանը հակամարտության չի ձգտում այլ երկրների հետ, բայց վճռական պատասխան կտա անհրաժեշտության դեպքում: Այդ մասին, ինչպես տեղեկացնում Է «Արմենպրես»-ը, Իրանի նախագահ Հասան Ռոուհանին հայտարարել Է Կատարի Էմիր Թամիմ բեն Հադամ ալ Թանիի հետ ունեցած հեռախոսազրույցի ընթացքում:
«Իրանը ձգտում Է հասնել տարածաշրջանի անվտանգության ամրապնդման, նա ոչ մի ցանկություն չունի եւ հակված չԷ բախումների մեջ մտնել այլ երկրների կամ խոշոր ուժերի հետ: Բայց եթե նրանք խելամիտ չվարվեն, ապա, անկասկած, կբախվեն վճռական պատասխանի, որը նրանց կստիպի զղջալ»,-ասել Է Ռոուհանին, որի խոսքը մեջբերված Է նրա պաշտոնական կայքում:
Խոսակցության ընթացքում Իրանի նախագահը եւ Կատարի Էմիրը նաեւ քննարկել են Մերձավոր Արեւելքի խնդիրները. Ռոուհանին հայտարարել Է, որ դրանք չի կարելի լուծել ռազմական ճանապարհով, իսկ Կատարի Էմիրը երկխոսությունը համարել Է հարցերի լուծման միակ հնարավոր ուղին, հաղորդել Է ՌԻԱ Նովոստին: