Քաղաքականություն

Պորտուգալիայի կողմից Հայոց ցեղասպանության վերաբերյալ հայտարարությունը կարևոր քայլ է միջազգային ճանաչման ճանապարհին. Մխիթարյան

5 րոպեի ընթերցում

 Պորտուգալիայի կողմից Հայոց ցեղասպանության վերաբերյալ հայտարարությունը կարևոր քայլ է միջազգային ճանաչման ճանապարհին. Մխիթարյան

ԵՐԵՎԱՆ, 6 ՄԱՅԻՍԻ, ԱՐՄԵՆՊՐԵՍ: Պորտուգալիա-Հայաստան բարեկամության միության նախագահ Վահե Մխիթարյանը Պորտուգալիայի Հանրապետության Ասամբլեայի կողմից` 1915թ. Հայոց ցեղասպանության զոհերի հիշատակին նվիրված հայտարարության ընդունումը կարևոր հաղթանակ է համարում ՝ միջազգային ճանաչման ճանապարհին: Մխիթարյանն այս մասին ասաց «Արմենպրես»-ի հետ զրույցում:

«Պորտուգալիայում երբևէ այս հարցը որևէ կուսակցության կողմից քննարկման առարկա չի եղել: Որևէ կուսակցություն այս հարցը չի ներգրավվել իր քարոզչական ծրագրում, խոստումներ չեն տրվել: Այս պատգամավորները որևէ քաղաքական շահ չեն ունեցել: Նրանք մարդկային դրդումներով քվեարկել են Հայոց ցեղասպանության 1.5 միլիոն զոհերի հիշատակի`հայ ժողովրդի կողքին կանգնելու համար: Հիմա, եթե մի փաստաթղթի տակ, որտեղ մի քանի անգամ նշվում է ցեղասպանություն բառը, ստորագրում է պատգամավորների բացարձակ մեծամասնությունը, ապա մենք կարող ենք հաստատել, որ պատգամավորները արձանագրել են Ցեղասպանության հաստատման փաստը՝ կարեկցանք հայտնելով Հայոց ցեղասպանության զոհերին»,- ասաց Մխիթարյանը:

Ապրիլի 26-ին պատգամավոր Ռուբինա Բերարդոյի` «Կարեկցանք հայտնելու քվեարկություն՝ ի հիշատակ 1915թ. Հայոց ցեղասպանության զոհերի» փաստաթուղթը Ասամբլեայի լիագումար նիստի օրակարգում ընդգրկվել է Պորտուգալիայի խորհրդարանի 3 ամենաազդեցիկ քաղաքական կուսակցությունների 18 պատգամավորների շնորհիվ, որից հետո դրան կողմ են քվեարկել 200-ից ավելի խորհրդարանականներ:

«Քվեարկությունից մի քանի օր առաջ այս փաստաթուղթը ներկայացվել էր պատգամավորների ուշադրությանը, որը հետագայում ընդունվեց միայն 4 ձեռնպահով, ընդ որում՝ դրանցից երկուսը Պորտուգալիա-Թուրքիա պատգամավորական խմբի անդամներ էին, իսկ քվեարկությունից հետո պորտուգալացի պատգամավորները մեկ րոպե լռությամբ հարգեցին են Հայոց ցեղասպանության նահատակների հիշատակը: Նախապատրաստական աշխատանքները սկսել էինք մի քանի տարի առաջ, երբ հանդիպումներ ունեցանք 3 ամենաազդեցիկ քաղաքական կուսակցությունների Պորտուգալիայի Ազգային Ասամբլեայում ներկայացված խմբակցությունների անդամների հետ: Այդ հանդիպումների ընթացքում ներկայացրել էինք մեզ հուզող հետևյալ հարցերը`Պորտուգալիա-Հայաստան պատգամավորական բարեկամական խմբի ստեղծման հնարավորությունը և իրենց վերաբերմունքը 1915թ. Հայոց ցեղասպանության հարցի հնարավոր քննարկումը Ասամբլեայում: Հանդիպումներից պարզ դարձավ, թե որ կուսակցությունն է ավելի շատ հակված արձագանքելու բարձրացված հարցերին, և այսպես շարունակեցինք մեր առաքելությունը` պատգամավորներին տրամադրելով անհրաժեշտ տեղեկատվություններ պատմական փաստերի, արդեն իսկ գոյություն ունեցող որոշումների մասին»,- նշեց բարեկամական միության նախագահը:

Պորտուգալիա-Հայաստան բարեկամության միության նախագահ Վահե Մխիթարյանի կարծիքով` միջազգային իրավաբանները շուտով իրենց գնահատականները կտան` նշելով այս պատմական որոշման իրավաբանական ուժն ու հետևանքները:

««Կարեկցանք հայտնելու՝ ի հիշատակ 1915թ. Հայոց ցեղասպանության զոհերի» հայտարարության օգտին քվեարկել է պատգամավորների բացարձակ մեծամասնությունը և տեքստում մի քանի անգամ Հայոց ցեղասպանություն եզրույթը նշվում է։ Իրավաբանորեն մենք կարող ենք համարել, որ ստորագրողները համաձայնել են այդ փաստի հետ և մեզ համար սա պատմական և նախադեպը չունեցող իրադարձություն էր, քանի որ Հանրապետության Ասամբլեայի պատերից ներս առաջին անգամ էր նման հարց բարձրացվել։ Մենք արժևորում ենք Ասամբլեայի կողմից Հայոց ցեղասպանության վերաբերյալ արտահայտած դիրքորոշումը և երախտապարտ ենք Հայոց ցեղասպանության զոհերին հասցեագրվող ցավակցությունների համար»,- ասաց Վահե Մխիթարյանը:

Նա նաև հայտնեց, որ Պորտուգալիա-Հայաստան բարեկամության միության անմիջական ջանքերով հայտարարության նախաձեռնող պատգամավոր Ռուբինա Բերարդոն 2017թ. այցելել է Հայաստան, եղել Ծիծեռնակաբերդի հուշահամալիրում և ծանոթացել Հայոց ցեղասպանության հարցին: Բերարդոն մեկնել է նաև Արցախ և տեղում ծանոթացել Լեռնային Ղարաբաղի հիմնախնդրին: Պորտուգալիա վերադառնալուց հետո Ադրբեջանը նրան ընդգրկել է իր «սև ցուցակ»: Սակայն պատգամավորն իր շրջագայության մասին պարզաբանումներ է տվել պորտուգալական ԶԼՄ-ներին, և հոդված գրել Հայոց ցեղասպանության մասին:

Նորայր Շողիկյան

ՀՀ վարչապետն ընդունել է ԱՄՆ պետքարտուղարի տեղակալին

Քաղաքականություն

ՀՀ վարչապետն ընդունել է ԱՄՆ պետքարտուղարի տեղակալին

Հայաստանի և Չեռնոգորիայի միջև հարաբերություններն ունեն զարգացման և խորացման մեծ ներուժ. ՀՀ նախագահ

Քաղաքականություն

Հայաստանի և Չեռնոգորիայի միջև հարաբերություններն ունեն զարգացման և խորացման մեծ ներուժ. ՀՀ նախագահ

ՀՀ ԱԳՆ-ն շնորհավորել է Չեռնոգորիային Պետականության օրվա առթիվ

Քաղաքականություն

ՀՀ ԱԳՆ-ն շնորհավորել է Չեռնոգորիային Պետականության օրվա առթիվ

ANCA-ի երիտասարդներն ԱՄՆ օրենսդիրներին կոչ են արել ապահովել հայ գերիների ազատ արձակումը, պատասխանատվության ենթարկել Ադրբեջանին

Քաղաքականություն

ANCA-ի երիտասարդներն ԱՄՆ օրենսդիրներին կոչ են արել ապահովել հայ գերիների ազատ արձակումը, պատասխանատվության ենթարկել Ադրբեջանին

Իրանահայ խորհրդարանականները շնորհավորել են Մասուդ Փեզեշքիանին ընտրություններում հաղթանակի առթիվ

Քաղաքականություն

Իրանահայ խորհրդարանականները շնորհավորել են Մասուդ Փեզեշքիանին ընտրություններում հաղթանակի առթիվ

Գաբրիել Աթալն ընտրվել է նախագահ Մակրոնի «Վերածնունդ» խմբակցության նախագահ

Քաղաքականություն

Գաբրիել Աթալն ընտրվել է նախագահ Մակրոնի «Վերածնունդ» խմբակցության նախագահ

Իրանի նախագահը հայտարարել է, որ երկիրը չի ձգտում միջուկային զենք ստեղծել

Քաղաքականություն

Իրանի նախագահը հայտարարել է, որ երկիրը չի ձգտում միջուկային զենք ստեղծել

ՀՀ վարչապետն ու Չինաստանի դեսպանը գոհունակությամբ ընդգծել են, որ երկու երկրների միջև մեկնարկելու են ուղիղ ավիաթռիչքներ

Քաղաքականություն

ՀՀ վարչապետն ու Չինաստանի դեսպանը գոհունակությամբ ընդգծել են, որ երկու երկրների միջև մեկնարկելու են ուղիղ ավիաթռիչքներ

Հայաստանի վարչապետն ու Վրաստանի պաշտպանության նախարարը մտքեր են փոխանակել պաշտպանության ոլորտում գործընկերության ամրապնդման շուրջ

Քաղաքականություն

Հայաստանի վարչապետն ու Վրաստանի պաշտպանության նախարարը մտքեր են փոխանակել պաշտպանության ոլորտում գործընկերության ամրապնդման շուրջ

Ղարաբաղի հայերը ոչ կամավոր են լքել իրենց տները, պետք է կարողանան վերադառնալ. ԻԻՀ դեսպան

Քաղաքականություն

Ղարաբաղի հայերը ոչ կամավոր են լքել իրենց տները, պետք է կարողանան վերադառնալ. ԻԻՀ դեսպան

Ակնկալում ենք Հայաստանի և Սլովենիայի միջև համագործակցության հետագա ամրապնդում․ Արարատ Միրզոյան

Քաղաքականություն

Ակնկալում ենք Հայաստանի և Սլովենիայի միջև համագործակցության հետագա ամրապնդում․ Արարատ Միրզոյան

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում