1 րոպեի ընթերցում
ԵՐԵՎԱՆ, 5 ՄԱՐՏԻ, ԱՐՄԵՆՊՐԵՍ: ՀՀ պաշտպանության նախարար Դավիթ Տոնոյանի հավաստիացնում է՝ Հայաստանի ու Ադրբեջանի սահմանին հայկական կողմը վերահսկում է իրավիճակը:
«Արմենպրես»-ի փոխանցմամբ` այս մասին Տոնոյանն ասաց մարտի 5-ին Եռաբլուրում լրագրողների հետ զրույցում:
«Սահմանին իրավիճակը կայուն է, կայուն վերահսկելի»,- ասաց Տոնոյանը:
Դավիթ Տոնոյանը Եռաբլուր էր այցելել հարգանքի տուրք մատուցելու սպարապետ Վազգեն Սարգսյանի հիշատակին: Մարտի 5-ին լրանում է Հայաստանի ազգային հերոս Վազգեն Սարգսյանի ծննդյան 60-ամյակը: