«Շիրակ»-ն առաջին ֆուտբոլիստին ձեռք բերեց ձմեռային տրանսֆերի ընթացքում 

ԵՐԵՎԱՆ, 6 ՓԵՏՐՎԱՐԻ, ԱՐՄԵՆՊՐԵՍ: «Շիրակն» այս տարվա առաջին ձեռքբերումները կատարեց ձմեռային տրանսֆերային պատուհանի ընթացքում:

«Արմենպրես»-ի հաղորդմամբ` թիմի կազմ են վերադարձել գյումրեցի հարձակվող Դավիդ Ղանդիլյանը և սերբ պաշտպան Մարկո Պրլևիչը: Բուժզննումը հաջողությամբ անցնելուց հետո ֆուտբոլիստների հետ պայմանագրեր են ստորագրվել, որոնք նախատեսված են մինչև 2019 թվականի հունիսը։

Հայաստանի ֆուտբոլի առաջնության 19-րդ տուրից հետո մրցաշարային աղյուսակի առաջատարը 33 միավորով «Ալաշկերտն» է: Երկրորդ տեղում 29 միավորով «Բանանցն» է: Եռյակը 37 միավորով եզրափակում է «Փյունիկը»: 4-րդ տեղում 26 միավորով «Արարատ-Արմենիան» է: Նրան հաջորդում է «Լոռին»՝ 25 միավորով: 22 միավոր հավաքած Գյումրու «Շիրակը» 6-րդն է: «Գանձասար-Կապանը» նույնպես ունի 22 միավոր: 13 միավորով նախավերջին տեղում «Արարատն» է, իսկ «Արցախն» ունի 12 միավոր:

Այժմ առաջնությունում դադար է: Այն կվերսկսվի մարտի 2-ին: