«Բանանցի» նոր ֆուտբոլիստը «Արմավիրից» է 

ԵՐԵՎԱՆ, 6 ՓԵՏՐՎԱՐԻ, ԱՐՄԵՆՊՐԵՍ: «Բանանց» ֆուտբոլային ակումբը վարձակալության պայմանագիր է ստորագրել կենտրոնական պաշտպան Ալբերտ Գաջիբեկովի հետ:

«Արմենպրես»-ի հաղորդմամբ` ֆուտբոլիստը մինչ այս հանդես է եկել ռուսաստանյան «Անժի», «Ստավրոպոլ», «Լիպեցկ», «Միտոս», «Լուչ», «Դինամո» թիմերում:

Ալբերտ Գաջիբեկովի տրանսֆերային իրավունքները պատկանում են Ռուսաստանի ազգային լիգան ներկայացնող «Արմավիրին»:

Հայաստանի ֆուտբոլի առաջնության 19-րդ տուրից հետո մրցաշարային աղյուսակի առաջատարը 33 միավորով «Ալաշկերտն» է: Երկրորդ տեղում 29 միավորով «Բանանցն» է: Եռյակը 37 միավորով եզրափակում է «Փյունիկը»: 4-րդ տեղում 26 միավորով «Արարատ-Արմենիան» է: Նրան հաջորդում է «Լոռին»՝ 25 միավորով: 22 միավոր հավաքած Գյումրու «Շիրակը» 6-րդն է: «Գանձասար-Կապանը» նույնպես ունի 22 միավոր: 13 միավորով նախավերջին տեղում «Արարատն» է, իսկ «Արցախն» ունի 12 միավոր:

Այժմ առաջնությունում դադար է: Այն կվերսկսվի մարտի 2-ին: