Ալեքսանդր Լուկաշենկոն սպասված հյուր է Հայաստանում. ՀՀ ԱԳՆ-ն շարունակում է մշտական կապի մեջ լինել Բելառուսի հետ
1 րոպեի ընթերցում
ԵՐԵՎԱՆ, 5 ՓԵՏՐՎԱՐԻ, ԱՐՄԵՆՊՐԵՍ: Հայաստանի Հանրապետության արտաքին գործերի նախարարությունը Բելառուսի գործընկերների հետ մշտական կապի մեջ է երկկողմ օրակարգի տարբեր հարցերի առնչությամբ:
«Արմենպրես»-ի փոխանցմամբ` այս մասին ՀՀ արտաքին գործերի նախարարությունում տեղի ունեցած մամուլի ասուլիսի ընթացքում լրագրողներին հայտնեց ԱԳՆ մամուլի խոսնակ Աննա Նաղդալյանը:
«Մենք երկկողմ օրակարգի տարբեր հարցերի առնչությամբ մշտական կապի մեջ ենք Բելառուսի մեր գործընկերների հետ, և Բելառուսի նախագահը սպասված հյուր է Հայաստանում: Այս հարցի ուղղությամբ մենք շարունակելու ենք աշխատանքները դիվանագիտական խողովակներով և հստակ ժամկետների մասով դեռևս որևէ բան չեմ կարող ասել»,- ընդգծեց Նաղդալյանը: