Մեծ Բրիտանիայի խորհրդարանի պատգամավորին բանտ են ուղարկում. այս դարում նման բան չԷր եղել

ԵՐԵՎԱՆ, 30 ՀՈՒՆՎԱՐԻ, ԱՐՄԵՆՊՐԵՍ: Համայնքների պալատի պատգամավոր Ֆիոնա Օնասանյան դարձել Է գրեթե 30 տարվա ընթացքում առաջին գործող բրիտանացի խորհրդարանականը, որը դատապարտվել Է բանտարկության, տեղեկացնում Է «Արմենպրես»-ը՝ հղում անելով BBC-ին:

2017 թվականի հուլիսին պատգամավորի ավտոմոբիլը հայտնվել Էր ոստիկանական տեսախցիկների տեսադաշտում, երբ ժամում 66 կիլոմետր արագությամբ ընթացել Էր այն գոտում, որտեղ արգելված Է ժամում 50 կիլոմետրից արագ երթեւեկությունը:

Անասանյան իրեն մեղավոր չի ճանաչել՝ պնդելով, որ թեեւ ավտոմոբիլն իրականում պատկանել Է իրեն, բայց այդ պահին ղեկի առջեւ եղել Է այլ մարդ: Նա հեռացվել Է Լեյբորիստական կուսակցությունից այն բանից հետո, երբ դատարանը նրան մեղավոր Է ճանաչել արդարադատության իրականացմանը խոչընդոտելու փորձի մեջ: Նա երեք ամսվա բանտարկության Է դատապարտվել այն բանից հետո, երբ մեղադրող կողմը ներկայացրել Է ապացույցներ, որ Օնասանյան ոչ միայն ինքն Է գտնվել ղեկի առջեւ, այլեւ տեքստային հաղորդագրություններ Է փոխանակել արագությունը գերազանցելու պահին:

Այս հարյուրամյակում սա առաջին դեպքն Է, երբ Մեծ Բրիտանիայի խորհրդարանի գործող պատգամավորը բանտային պատիժ Է ստանում: Վերջին անգամ դա տեղի Է ունեցել 1991 թվականին, երբ պատգամավոր Թերի Ֆիլդսը 60 օրվա բանտարկության Է դատապարտվել ընտրական հարկը չվճարելու համար: