1 րոպեի ընթերցում
ԵՐԵՎԱՆ, 8 ՀՈՒՆՎԱՐԻ, ԱՐՄԵՆՊՐԵՍ: ԱՄՆ պետքարտուղար Մայք Պոմպեոն հայտարարել է, որ ԱՄՆ կմեծացնի Իրանի նկատմամբ ճնշումը: Ինչպես փոխանցում է «Արմենպրես»-ը, այդ մասին հաղորդում է Reuters գործակալությունը:
Պոմպեոյի խոսքով՝ Սիրիայից ամերիկյան զորքը դուրս բերելու որոշումն իր մեջ սպառնալիք չի պարունակում, ինչը կարելի էր ենթադրել Իրանի և «Իսլամական պետություն» ահաբեկչական խմբավորման կողմից:
ԱՄՆ պետքարտուղարն ընդգծել է, որ Միացյալ Նահանգները «կրկնապատկում են ոչ միայն դիվանագիտական, այլ նաև կոմերցիոն ջանքերն Իրանի նկատմամբ իրական ճնշում գործադրելու նպատակով»: