«Ես ուզում եմ, որ այս խումբը լիարժեք վստահություն վայելի հասարակության կողմից». Հայկ Մարության

3 րոպեի ընթերցում

ԵՐԵՎԱՆ, 30 ՆՈՅԵՄԲԵՐԻ, ԱՐՄԵՆՊՐԵՍ:Երևանի քաղաքապետարանում այսօր տեղի է ունեցել Կենդանաբանական այգում ուսումնասիրություններ կատարելու նպատակով ստեղծված աշխատանքային խմբի առաջին նիստը: Ներկաներին ողջունել և արդյունավետ աշխատանք է մաղթել Երևանի քաղաքապետ Հայկ Մարությանը:

«Ինձ պետք է, որ այս խմբի ասածը լինի 100%-անոց եզրակացություն, որպեսզի իմանալով կազմը ոչ-ոքի մտքով անգամ չանցնի, որ այստեղ ինչ-որ այլ կարծիք կար կամ փորձել են ինչ-որ բան կեղծել ու գաղտնի պահել: Բաց լինելը և վստահություն վայելելը շատ կարևոր է: Ես ուզում եմ, որ այս խումբը լիարժեք վստահություն վայելի հասարակության կողմից»,- Ինչպես«Արմենպրես»-ին տեղեկացրին Երեւանի քաղաքապետարանի տեղեկատվության և հասարակայնության հետ կապերի վարչությունից,ընդգծել է քաղաքապետը:

Երևանի կենդանաբանական այգու գործունեության շուրջ հանրության շրջանում առաջացած հարցերի, առկա խնդիրների վերհանման և համապատասխան լուծումներին միտված անհրաժեշտ առաջարկներ ձևավորելու նպատակով, Երևանի քաղաքապետի կարգադրության համաձայն, ստեղծվել է աշխատանքային խումբ, որում, քաղաքային իշխանության ներկայացուցիչներից բացի, ընդգրկված են բնապահպան-կենդանասերներ, հասարակական կազմակերպությունների ներկայացուցիչներ ու անհատներ:

Քաղաքապետ Հայկ Մարությանն աշխատանքային խմբից ակնկալում է երկարատև համագործակցություն նաև հետագա ծրագրերում:

«Ակնկալում եմ ոչ միայն համագործակցություն միայն այս խնդիրների ճանաչման ու հետագայում լուծման շուրջ, այլև ընդհանրապես, քաղաքում կատարվող գործընթացների առնչությամբ: Մասնավորապես, ինձ հետաքրքիր կլիներ աշխատանքային խմբի կարծիքը նաև կրկեսի աշխատանքի վերաբերյալ: Դա քաղաքապետարանինը չէ, իհարկե, բայց կենդանիների առումով քաղաքապետարանն այդտեղ իր դիրքորոշումը պետք է ունենա: Իսկ քաղաքի դիրքորոշումն ավելի հաստատուն կլինի, եթե ավելի շատ մարդիկ ներգրավված լինեն այս գործընթացների քննարկման ժամանակ»,- նշել է քաղաքապետը:

Աշխատանքային խմբին զուգահեռ՝ քաղաքապետ Հայկ Մարությանի հանձնարարությամբ ձևավորվել է նաև հանձնաժողով, որը կուսումնասիրի այգու նախորդ երեք տարվա ֆինանսատնտեսական գործունեությունը:

Հայերեն

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն