1 րոպեի ընթերցում
ԵՐԵՎԱՆ, 15 ՆՈՅԵՄԲԵՐԻ, ԱՐՄԵՆՊԵՍ: Հայկական շախամտի առաջատար, աշխարհի գործող գավաթակիր Լևոն Արոնյանն ավարտեց ելույթները Կալկաթայի «Tata Steel» մրցաշարում:
«Արմենպրես»-ի հաղորդմամբ, բլից շախմատում 18 հնարավորից հավաքելով 12 միավոր՝ Լևոն Արոնյանը վերջնական հաշվարկում գրավեց 3-րդ տեղը: 1-2 տեղերը 12,5 միավորով կիսեցին ԱՄՆ ներկայացուցիչ Հիկարու Նակամուրան և աշխարհի նախկին չեմպիոն հնդիկ Վիշի Անանդը:
Մրցաշարին մասնակցում էին 10 շախմատիստ՝ Լևոն Արոնյանը, աշխարհի նախկին չեմպիոն Վիշվանաթան Անանդը, Ռուսաստանը ներկայացնող գրոսմայստեր Սերգեյ Կարյակինը, ԱՄՆ ներկայացուցիչներ Ուեսլի Սոն և Հիկարու Նակամուրան, ադրբեջանցի գրոսմայստեր Շահրիյար Մամեդյարովը և 4 շախմատիստ Հնդկաստանից՝ գրոսմայստերներ Պենտալա Հարիկրիշնան, Վիդիթ Գուջրաթին, Սուրյա Գանգուլին և պատանի միջազգային վարպետ Նիհալ Սարինը: