ՀԱՊԿ ԽՎ-ն Երևանից Մոսկվա տեղափոխելը տեխնիկական որոշում է՝ պայմանավորված ՀՀ ներքաղաքական իրադարձություններով. ԱԳՆ
1 րոպեի ընթերցում
ԵՐԵՎԱՆ, 24 ՀՈԿՏԵՄԲԵՐԻ, ԱՐՄԵՆՊՐԵՍ: ՀԱՊԿ խորհրդարանական վեհաժողովը Երևանից Մոսկվա տեղափոխելու որոշումն իրապես տեխնիկական էր` պայմանավորված ՀՀ ներքաղաքական իրադարձություններով: «Արմենպրես»-ի հաղորդմամբ` հոկտեմբերի 24-ին լրագրողների հետ ճեպազրույցում այս մասին հայտնեց ԱԳՆ մամուլի խոսնակ Աննա Նաղդալյանը:
«Որևէ այլ պատճառ չկա»,- նշեց նա:
Հարցին՝ արդյոք հնարավոր է ՀԱՊԿ-ից նախագահության անցումն այլ երկրի, Աննա Նաղդալյանը պատասխանեց, որ խորհրդակցությունները դեռ շարունակվում են:
«Դրանք վերաբերում են ՀԱՊԿ կանոնակարգերի շրջանակներում կոնսենսուսային լուծումներ գտնելուն և դրանց հստակեցմանը; Եթե այս հարցը հայտնվի օրակարգում, Հայաստանն իրեն վերապահված ողջ գործիքակազմով համապատասխան քայլեր կձեռնարկի: Գործիքակազմն արդեն հայտնի է»,-նշեց նա:
Նա հավելեց, որ ՀԱՊԿ կանոնակարգերով սահմանված է, որ կայանա ՀԱՊԿ քարտուղարի փոխարինման գործընթաց: «Խորհրդակցությանը գնում է դրա շուրջ, երբ դրանք ներկայացվեն ՀԱՊԿ-ի հաստատմանը, հայտնի կլինի նաև հանրությանը»,- ընդգծեց նա: