398.94
Դմիտրի Պեսկովը մանրամասներ է ներկայացրել Դուշանբեում Փաշինյանի և Պուտնին կարճ խոսակցությունից
1 րոպեի ընթերցում
ԵՐԵՎԱՆ, 28 ՍԵՊՏԵՄԲԵՐԻ, ԱՐՄԵՆՊՐԵՍ: Ռուսաստանի Դաշնության նախագահի մամուլի խոսնակ Դմիտրի Պեսկովը մանրամասներ է ներկայացրել Դուշանբեում Հայաստանի Հանրապետության վարչապետ Նիկոլ Փաշինյանի և ՌԴ նախագահ Վլադիմիր Պուտինի ունեցած կարճ խոսակցությունից: Ինչպես հաղորդում է «Արմենպրես»-ը, վկայակոչելով «Ռիա նովոստի»-ն, Դմիտրի Պեսկովը նշել է, որ ՌԴ նախագահը կարճ խոսակցություն է ունեցելՀՀ վարչապետ Նիկոլ Փաշինյանի հետ:
Պեսկովն ընդգծել է, որ ՌԴ նախագահը ՀՀ վարչապետի հետ չի քննարկել Հայաստան իր այցի հեռանկարները: «Նրանք այլ թեմաների մասին են խոսել՝ օպերատիվ, ընթացիկ»,- ասել է Պեսկովը:
Դուշանբեում ԱՊՀ գագաթնաժողովի շրջանակներում ՀՀ վարչապետ Նիկոլ Փաշինյանը կարճ խոսակցություն է ունեցել ՌԴ նախագահ Վլադիմիր Պուտինի հետ: Ավելի վաղ ՀՀ վարչապետը կարճ զրույց էր ունեցել Ադրբեջանի նախագահ Իլհամ Ալիևի հետ:
Բաժանորդագրվեք մեր ալիքին Telegram-ում