Գևորգ Ղազարյանը դուբլի հեղինակ է դարձել «Բենֆիկա»-ի դեմ խաղում 

ԵՐԵՎԱՆ, 28 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի ազգային թիմի կիսապաշտպան Գևորգ Ղազարյանը երկու գոլի հեղինակ է դարձել Պորտուգալիայի առաջնության հերթական տուրում:

«Արմենպրես»-ի հաղորդմամբ` ֆուտբոլի Պորտուգալիայի առաջնության 6-րդ տուրում «Շավիշ»-ը տանը հյուրընկալել էր «Բենֆիկա»-ին: Հանդիպումն ավարտվել է ոչ-ոքի` 2:2 հաշվով: «Շավիշ»-ի երկու գոլերն էլ խփել է Հայաստանի ազգային թիմի խաղացող Գևորգ Ղազարյանը:

Այս տուրից հետո «Շավիշ»-ը 7 միավոր ունի և 8-րդ տեղում է: