1 րոպեի ընթերցում
ԵՐԵՎԱՆ, 22 ՕԳՈՍՏՈՍԻ, ԱՐՄԵՆՊՐԵՍ: Հայկական շախմատի առաջատար, աշխարհի գործող գավաթակիր Լևոն Արոնյանը շարունակում է մնալ Սինքվիլդի գավաթի խաղարկության առաջատարների շարքում:
«Արմենպրես»-ի հաղորդմամբ` մրցաշարի 4-րդ տուրում Արոնյանի մրցակիցն Ադրբեջանի ներկայացուցիչ Շահրիյար Մամեդյարովն էր: Պարտիայի 24-րդ քայլում գրոսմայստերները համաձայնեցին կիսել միավորը:
Այս տուրից հետո Արոնյանը, Ֆաբիանու Կարուանան, Շահրիյար Մամեդյարովը, Մագնուս Կարլսենը և Ալեքսանդր Գրիշչուկն ունեն 2,5 միավոր և գլխավորում են մրցաշարային աղյուսակը:
Սենթ Լուիսի մրցաշարը բաղկացած է 9 տուրից և կավարտվի օգոստոսի 28-ին: