Արարատ Միրզոյանի գրասենյակի ղեկավարը աշխատանքային լիազորությունները դադարեցնելու դիմում է ներկայացրել

ԵՐԵՎԱՆ, 22 ՀՈՒՆԻՍԻ, ԱՐՄԵՆՊՐԵՍ: ՀՀ առաջին փոխվարչապետ Արարատ Միրզոյանի գրասենյակի ղեկավար Վահան Կոստանյանը աշխատանքից ազատման դիմում է ներկայացրել: «Արմենպրես»-ի փոխանցմամբ՝ այս մասին նա հայտնել է ֆեյսբուքյան գրառման միջոցով: «Երեկ երեկոյան դիմում եմ ներկայացրել Արարատ Միրզոյանին` աշխատանքային լիազորություններս դադարեցնելու համար»,-գրել է նա։

Կոստանյանը փոխվարչապետիգրասենյակի ղեկավարի պարտականությունները կատարում էր մայիսի 21-ից: