1 րոպեի ընթերցում
ԵՐԵՎԱՆ, 8 ՄԱՅԻՍԻ, ԱՐՄԵՆՊՐԵՍ: Հայաստանի Հանրապետության նորընտիր վարչապետ Նիկոլ Փաշինյանը ժամանել է Բաղրամյան 26 հասցեում գտնվող վարչապետի նստավայր: Ինչպես հաղորդում է «Արմենպրես»-ը, Նիկոլ Փաշինյանը վարչապետի նստավայր է ժամանել տիկնոջ` Աննա Հակոբյանի հետ:
Խորհրդարանում վարչապետի ընտրությունից հետո լրագրողները նորընտիր վարչապետից հետաքրքրվեցին` իր նստավայրը Բաղրամյան 26-ն է լինելո՞ւ, ինչին ի պատասխան Փաշինյանն ասաց, որ բոլոր հարցերը կքննարկվեն:
Հայաստանի Հանրապետության Ազգային ժողովի մայիսի 8-ի հատուկ նիստում կայացած անվանական, բաց քվեարկությամբ «Ելք» խմբակցության ղեկավար Նիկոլ Փաշինյանն ընտրվեց ՀՀ վարչապետ: Փաշինյանին կողմ քվեարկեց 59, դեմ՝ 42 պատգամավոր: