Ռայոլան ինձ շուն է անվանել, սակայն երկու ամիս առաջ ինձ առաջարկում էր Մխիթարյանին ու Պոգբային. Գվարդիլոա
1 րոպեի ընթերցում
ԵՐԵՎԱՆ, 6 ԱՊՐԻԼԻ, ԱՐՄԵՆՊՐԵՍ: «Մանչեսթեր Սիթի»-ի գլխավոր մարզիչ Խոսեպ Գվարդիոլան արձագանքել է հայտնի գործակալ Մինո Ռայոլայի հայտարարություններին, որը վերջերս իսպանացի մասնագետին «վախկոտ» ու «շուն» էր անվանել:
«Լավ, ես կպատասխանեմ նրան: Վերջապես մարդիկ իմացան իմ գաղտնիքները, որ ես վատ մարդ եմ, վախկոտ եմ: Բայց չեմ հասկանում՝ ինչու եմ հենց ես այդքան վատը: Ես երբեք չեմ շփվել Ռայոլայի հետ, գուցե, Իբրահիմովիչն է այդ ամենը պատմել իմ մասին: Բայց երկու ամիս առաջ նա Մխիթարյանին ու Պոգբային ինձ էր առաջարկում: Ինչի՞ համար: Ինչի՞ համար: Ուզում էր, որ Պոգբան ու Մխիթարյանը մեզ մոտ խաղա՞ն:
Ռայոլան պետք է պաշտպանի իր հաճախորդներին ու հասկանա, որ չպետք է նրանց տա այնպիսի մարդու, ինչպիսին ես եմ՝ շանը: Շան հետ համեմատությունը վատ է, ճիշտ չէ: Նա պետք է հարգի շներին: Ի՞նչ պատասխանեցի նրա առաջարկին: Ասացի ոչ: Մենք Պոգբային գնելու փող չունենք, նա չափազանց թանկ է: Ես լավ մարդ չեմ, Ռայոլան արժանի է, որ նրա ֆուտբոլիստները ավելի լավ մարդկանց մոտ խաղան: Բայց միևնույն ժամանակ նա գիտի, որ ես թոփ-մարզիչ եմ»,- «Արմենպրես»-ի փոխանցմամբ, Գվարդիոլայի խոսքերն է մեջբերել Goal-ը: