«Ռեալ»-ը և ՊՍԺ-ն հետաքրքրված են Պաուլո Դիբալայի ծառայություններով

ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: Թուրինի «Յուվենթուս»-ի և Արգենտինայի ազգային հավաքականի հարձակվող Պաուլո Դիբալան հայտնվել է Մադրիդի «Ռեալ»-ի և ֆրանսիական ՊՍԺ-ի ուշադրության կենտրոնում: Ինչպես հաղորդում է «Արմենպրես»-ը, վկայակոչելով Calciomercato.com-ը, «Ռեալ»-ն ու ՊՍԺ-ն ամռանը կփորձեն ձեռք բերել արգենտինացի հարձակվողի տրանսֆերը:

Նշվում է, որ եթե «Ռեալ»-ը չկարողանա գնել ՊՍԺ-ի բրազիլացի հարձակվող Նեյմարի տրանսֆերը, ապա բանակցություններ կսկսի Դիբալայի հետ, իսկ ՊՍԺ-ն իր բրազիլացի առաջատարին կորցնելու դեպքում նույնպես կարող է արգենտինացուն գնելու փորձեր ձեռնարկել։

«Յուվենթուս»-ը իր հերթին պատրաստ է դիտարկել Դիբալայի վերաբերյալ առաջարկները և հնարավոր է նրան բաց թողնի այլ ակումբ:

Պաուլո Դիբալան ընթացիկ մրցաշրջանում «Յուվենթուս»-ի կազմում 21 գոլ է հեղինակել: