1 րոպեի ընթերցում
ԵՐԵՎԱՆ, 16 ՄԱՐՏԻ, ԱՐՄԵՆՊՐԵՍ: Ջենիֆեր Լոպեսը բարձունքում է և Harpersbazaar ամսագրի շապիկին: Երգչուհին սիրահարված է և չի վախենում ընդունել դա:
Harpersbazaar-ին տված հարցազրույցի ժամանակ նա անկեղծացել է և խոսել իր և ամերիկացի բեյսբոլիստ Ալեքսանդր Էմանուել Ռոդի հետ հարաբերությունների, ինչպես նաև չափազանց աշխատասեր լինելու մասին:
«Ես ինձ զգում եմ երիտասարդ և հեռու ժամանակի ազդեցությունից: Սա ինքս ինձ կրկնում եմ օրը մի քանի անգամ: Տարիքը միայն մեր մտքում է»,-հայտնել է երգչուհին:
Թեև, ըստ նրա, չունի հանգիստ կյանք և անընդհատ ճանապարհորդում է, միևնույն է՝ չի բողոքում: Վերջինս վաստակում է միլիոններ որպես երգչուհի, պրոդյուսեր, դերասանուհի:
«Իմ կյանքը լի է ուրախ և սիրելի մարդկանցով, իսկ իմ աշխատանքի վայրը՝ արկածներով»: Երգչուհին սա համարում է իր կյանքի լավագույն շրջանը:
Պատրաստեց՝ Քրիստինա Գալստյանը