1 րոպեի ընթերցում
ԵՐԵՎԱՆ, 14 ՄԱՐՏԻ,ԱՐՄԵՆՊՐԵՍ: Ն.Ս.Օ.Տ.ՏԳարեգին ԲԱմենայն Հայոց Կաթողիկոսի ձեռամբ Դնեպրում մարտի 17-ին կկայանա Սուրբ Գրիգոր Լուսավորիչ եկեղեցու օծման եւ բացման արարողությունը: «Արմենպրես»-ի հաղորդմամբ, այս մասին գրում է AnalitikaUA.netկայքը` հղում անելով Ուկրաինայում Հայ առաքելական եկեղեցու թեմին:
Միջոցառումն անցկացվում է Ուկրաինայի հայերի միության, Հայ առաքելական եկեղեցու Ուկրաինայի թեմի, Ուկրաինայի Հանրապետության դեսպանատան աջակցությամբ:
Սուրբ Գրիգոր Լուսավորիչը կլինի Եվրոպայի խոշորագույն հայկական եկեղեցիներից մեկը:
Ինչպես հայտնի է, եկեղեցիների կառուցումը, վերականգնումը եւ պահպանումը Ուկրաինայի համայնքի հիմնական գործերից մեկն է:
Ըստ Ուկրաինայի հայերի միության նախագահ Վիլեն Շատվորյանի՝ հայկական ավանդույթների համաձայն, եկեղեցին ոչ միայն հոգեւոր կենտրոն կլինի, այլեւ կծառայի որպես մշակութային կենտրոն:
Մարտի 16-ին Ն.Ս.Օ.Տ.Տ. Գարեգին Երկրորդը կմասնակցի նաեւ Ուկրաինայի հայերի միության եռամսյակային կոնֆերանսին, որը տեղի կունենա Hyatt Regency Kyiv հյուրանոցում: