«Բանանց»-ը նոր ֆուտբոլիստ ունի Բրազիլիայից

ԵՐԵՎԱՆ, 3 ՄԱՐՏԻ, ԱՐՄԵՆՊՐԵՍ: Երևանի «Բանանց»-ը տրանսֆերային պատուհանի փակվելուց առաջ պայմանագիր է ստորագրել 18-ամյա բրազիլացի հարձակվող Գիլերմե Ռոդրիգես Տոռես դա Սիլվայի հետ:

«Արմենպրես»-ի հաղորդմամբ` 1999 թվականի ապրիլի 21-ին ծնված հարձակվողը «Բանանց» է տեղափոխվել բրազիլական «Կոլորադո Ատլետիկոյից»:

«Գիլերմե դա Սիլվան լավ որակներով երիտասարդ ֆուտբոլիստ է: Նա նույնպես ավելի շատ հանդես կգա «Բանանցի» երկրորդ թիմում և կմարզվի առաջին թիմի հետ: Այս տեղափոխությունն ավելի շատ ապագայի համար է»,- նշել է «Բանանցի» գլխավոր մարզիչ Արամ Ոսկանյանը:

«Բանանց»-ն ավարտում է թիմի համալրումները մրցաշրջանի ձմեռային տրանսֆերային պատուհանի ընթացքում: