Թրամփի փեսային զրկել են նախագահական հետախուզական ամփոփագրին ծանոթանալու հնարավորությունից. Reuters
1 րոպեի ընթերցում
ԵՐԵՎԱՆ, 28 ՓԵՏՐՎԱՐԻ, ԱՐՄԵՆՊՐԵՍ: ԱՄՆ-ի նախագահ Դոնալդ Թրամփի փեսան եւ ավագ խորհրդականը՝ Ջարեդ Քուշները, զրկվել Է ամենօրյա հետախուզական ամփոփագրին ծանոթանալու հնարավորությունից, որը Միացյալ Նահանգների ղեկավարի համար կազմվում Է հատուկ ծառայությունների կողմից եւ բովանդակում Է ամենաարժեքավոր գաղտնի տեղեկությունները: Փետրվարի 27-ին այս մասին հայտնել Է Reuters գործակալությունը՝ վկայակոչելով ամերիկյան երկու իրազեկ պաշտոնական աղբյուրներ:
Նրանց տվյալներով՝ Քուշները նախագահի ամենօրյա հետախուզական ամփոփագրին ծանոթանալու հնարավորությունից զրկվել Է վերջին մի քանի շաբաթվա ընթացքում: Ավելի վաղ նա հնարավորություն ուներ ստանալու այդ ամփոփագիրը՝ պետական գաղտնիքին ծանոթանալու ժամանակավոր թույլտվությանը համապատասխան, որից նա այնուհետեւ զրկվել Է, հաղորդել Է ՏԱՍՍ-ը: