1 րոպեի ընթերցում
ԵՐԵՎԱՆ, 15 ՀՈՒՆՎԱՐԻ, ԱՐՄԵՆՊՐԵՍ: Լոնդոնի «Արսենալ»-ի գլխավոր մարզիչ Արսեն Վենգերը ուզում է «զինագործների» կազմում տեսնել Հայաստանի ազգային թիմի ավագ Հենրիխ Մխիթարյանին:
«Արմենպրես»-ի հաղորդմամբ` այս մասին գրում են բրիտանական ԶԼՄ-ները: Քանի որ «Արսենալ»-ի չիլիացի հարձակվող Ալեքսիս Սանչեսը շուտով կհեռանա թիմից, Վենգերը նրան փոխարինող է համարում Հենրիխ Մխիթարյանին: Վենգերի կարծիքով՝ հայ կիսապաշտպանը կարող է փոխարինել Սանչեսին, քանի որ խաղում է եզրերում և ենթահարձակվողի գծում: