1 րոպեի ընթերցում
ԵՐԵՎԱՆ, 10 ՀՈՒՆՎԱՐԻ, ԱՐՄԵՆՊՐԵՍ: Հայաստանի ֆուտբոլի ազգային թիմի և «Մանչեսթեր Յունայթեդ»-ի կիսապաշտպան Հենրիխ Մխիթարյանի հնարավոր տեղափոխությունը Իտալիա շարունակում է մնալ իտալական ԶԼՄ-ների ուշադրության կենտրոնում:
«Արմենպրես»-ի հաղորդմամբ` La Gazzette Dello Sport-ը գրում է, որ Միլանի «Ինտեր»-ի գլխավոր տրանսֆերային նպատակը Հենրիխ Մխիթարյանն է: «Ինտեր»-ը ցանկություն ունի կես տարով վարձակալել Մխիթարյանին, քանի որ չի կարող գնել հայ ֆուտբոլիստի տրանսֆերը:
Այս օրերին «կարմիր սատանաները» ուսումնամարզական հավաք են անցկացնում Դուբայում, որին մասնակցում է նաև Հայաստանի ազգային թիմի ավագ Հենրիխ Մխիթարյանը: