Լևոն Արոնյանը 7-րդն է «London chess classic»-ում 

ԵՐԵՎԱՆ, 12 ԴԵԿՏԵՄԲԵՐԻ, ԱՐՄԵՆՊՐԵՍ: Հայկական շախմատի առաջատարը, աշխարհի գործող գավաթակիր Լևոն Արոնյանը յոթերորդն է Լոնդոնի մրցաշարում:

«Արմենպրես»-ի հաղորդմամբ` 9-րդ տուրից հետո Յան Նեպոմնյաշչին և Ֆաբիանո Կարուանան վաստակեցին 6-ական միավոր և կիսեցին 1-2-րդ հորիզոնականները: Հաղթողին որոշելու համար խաղարկվեցին լրացուցիչ արագ շախմատի պարտիաներ, որտեղ Ֆաբիանո Կարուանան 2.5-1.5 հաշվով առավելության հասավ Նեպոմնյաշչու նկատմամբ և դարձավ մրցաշարի հաղթող:

Մագնուս Կարլսենը, Ուեսլի Սոն և Մաքսիմ Վաշիե-Լագրավը 5-ական միավորով կիսեցին 3-5-րդ հորիզոնականները: Լրացուցիչ ցուցանիշների հաշվարկից հետո Կարլսենը գրավեց 3-րդ տեղը:

Լևոն Արոնյանը, վերջին տուրում Կարլսենից կրած պարտությունից հետո, զիջեց դիրքերը և 4 միավորով հայտնվեց 7-րդ հորիզոնականում: