1 րոպեի ընթերցում
ԵՐԵՎԱՆ, 6 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանի ազգային հավաքականի և «Մանչեսթեր Յունայթեդ»-ի կիսապաշտպան Հենրիխ Մխիթարյանը հնարավոր է տեղափոխվի Միլանի «Ինտեր»: «Արմենպրես»-ի փոխանցմամբ, այդ մասին հաղորդում են իտալական զանգվածային լրատվամիջոցները:
Մանկունիանցիների գլխավոր մարզիչ Ժոզե Մոուրինյոն հետաքրքրված է «Ինտեր»-ի պորտուգալացի կիսապաշտպան Ժոաո Մարիույի ծառայություններով և պատրաստ է նրա փոխարեն առաջարկել Խուան Մատային:
Իր հերթին, ըստ ԶԼՄ-ների, «Ինտեր»-ը հետաքրքրված է ոչ թե իսպանացի կիսապաշտպանի, այլ Հենրիխ Մխիթարյանի ծառայություններով: