Թուրքիան Հայաստանի հետ սահմանին տեսախցիկներ է տեղադրել
1 րոպեի ընթերցում
![Թուրքիան Հայաստանի հետ սահմանին տեսախցիկներ է տեղադրել](http://armenpress.am/resized/480/static/news/b/2017/11/911720.jpg)
ԵՐԵՎԱՆ, 8 ՆՈՅԵՄԲԵՐԻ, ԱՐՄԵՆՊՐԵՍ: Թուրքիայի իշխանությունները Հայաստանի հետ սահմանին անվտանգության նկատառումներից ելնելով տեսախցիկներ են տեղադրել: Ինչպես հաղորդում է «Արմենպրես»-ը, այս մասին հայտնում է թուրքական CNN Turk-ը:
Կարսի նահանգապետարանից արած հայտարարության մեջ նշվում է, որ օգոստոսի 3-ից սկսված տեսախցիկների տեղադրման աշխատանքներն ավարտված են: Նախագիծն արժեցել է 2 մլն 880 հազար թուրքական լիրա:
«Նախագիծը միտված է ավելի ապահով դարձնելու Թուրքիա-Հայաստան սահմանի Կարսի հատվածն ու կանխելու տարբեր պատահարները»,- ասվում է նահանգապետարանի հայտարարության մեջ: