1 րոպեի ընթերցում
ԵՐԵՎԱՆ, 30 ՕԳՈՍՏՈՍԻ, ԱՐՄԵՆՊՐԵՍ: Թուրքիայի խոշորագույն քաղաքում՝ Ստամբուլում օգոստոսի 29-ին տեղացած հորդառատ անձրևները կրկին կաթվածահար են արել քաղաքի բնականոն կյանքը: Ինչպես հաղորդում է «Արմենպրես»-ը, այս մասին հայտնում է թուրքական Diken-ը` նշելով, որ քաղաքը վերածվել է Վենետիկի:
Ստամբուլի հեղեղված փողոցներում երթևեկությունը դարձել է գրեթե անհնարին, գրանցվել են ավտոպատահարներ: Հեղեղվել են գետնանցնումները: Մինչև ծնկներ հասնող ջրի պայմաններում քաղաքացիները դժվարացել են անգամ տեղաշարժվել: