Լևոն Արոնյանը գլխավորում է Սենթ Լուիսի մրցաշարի մրցաշարային աղյուսակը

ԵՐԵՎԱՆ, 17 ՕԳՈՍՏՈՍԻ, ԱՐՄԵՆՊՐԵՍ: Շախմատի Հայաստանի հավաքականի անդամ Լևոն Արոնյանը Սենթ Լուիսի մրցաշարի առաջատարն է:

«Արմենպրես»-ի հաղորդմամբ` միջազգային այս մրցաշարի արագ շախմատի վերջին տուրում Արոնյանը 52-րդ քայլին սևերով գերազանցեց Կուբան ներկայացնող Լենիեր Դոմինգեսին: Մինչ այդ Արոնյանն արագ շախմատի 7-րդ տուրում պարտության էր մատնել Սերգեյ Կարյակինին և ոչ-ոքի խաղացել Հիկարու Նակամուրայի հետ:

Այժմ Արոնյանն ունի 12 միավոր և գլխավորում է մրցաշարային աղյուսակը: Կայծակնային շախմատի մրցաշարը կմեկնարկի օգոստոսի 18-ին: