Լևոն Արոնյանը Ստավանգերի կայծակնային մրցաշարում 3-րդ տեղում էր

ԵՐԵՎԱՆ, 6 ՀՈՒՆԻՍԻ, ԱՐՄԵՆՊՐԵՍ: Նորվեգական Ստավանգեր քաղաքում մեկնարկեց Norway chess միջազգային մրցաշարը, որտեղ կայացավ կայծակնային մրցաշարը:

«Արմենպրես»-ի հաղորդմամբ` հայկական շախմատի առաջատարը կայծակնային շախմատում 9 հնարավորից հավաքեց 5,5 միավոր և զբաղեցրեց 3-րդ տեղը: Աշխարհի գործող չեմպիոն Մագնուս Կարլսենը 7,5 միավորով առաջատարն էր, իսկ երկրորդ տեղում՝ ԱՄՆ ներկայացուցիչ Հիկարու Նակամուրան: Նա հավաքել է նույնքան միավոր, որքան Արոնյանը` 5,5:

Հունիսի 6-ին արդեն կկայանա դասական շախմատի առաջին տուրը: