1 րոպեի ընթերցում
ԵՐԵՎԱՆ, 9 ՄԱՅԻՍԻ, ԱՐՄԵՆՊՐԵՍ: Կիպրոսում կայացավ Կիպրոսի և Հայաստանի մինչև 19 տարեկանների հավաքականների միջև ընկերական առաջին հանդիպումը։
«Արմենպրես»-ի հաղորդմամբ առաջին խաղակեսում մեր թիմի կազմում հաշիվը բացեց Արմեն Նահապետյանը, սակայն կիպրոսցիները կարողացան հավասարեցնել այն։ Առաջին խաղակեսն ավարտվեց 1։1 հաշվով։ Երկրորդ խաղակեսում երկու թիմերն էլ ունեին գոլ խփելու հնարավորություններ, սակայն վերջիվերջո հաջողության հասան մեր ֆուտբոլիստները։ Փոխարինման մտած Աբրահամ Պորտուգալյանը մրցավարի ավելացրած ժամանակի վերջին րոպեին հաղթանակ պարգևեց մեր թիմին՝ 2։1 հաշվով։
Այս 2 թիմերի միջև ևս մեկ հանդիպում կկայանա մայիսի 11-ին։